烹飪課程-第六課(印尼沙律&沙爹豬)

今日上堂Miss教咗兩種菜式,就係印尼沙律&沙爹豬柳

印尼沙律首先要淥熟所有疏菜,除咗青瓜之外

跟住要炸蝦片,其實炸蝦片炸得好,都要有竅妙,不能太猛火,並且將蝦片落鑊後要用鑊鏟壓一陣,令到蝦片唔會彎曲,才由得佢慢慢炸透.

好快,大家夾手夾腳,就將所有疏菜淥熟

切好疏菜&蛋後加埋加多加多醬汁就食得,今次我食咗兩碗,因為我好鍾意呢隻醬汁,放學後即刻去印尼鋪頭買齊材料,番屋企唸住呢兩日自己再整來食,其實自己可以加薯仔,豆腐等配料.

另外一款係沙爹豬柳,用焗爐焗嘅都幾好味,唔錯