2008年11月25日 星期二

我的第一次整曲奇餅

自從幾個月前去學完整曲奇餅,今日係第一次自己試整,係堂上睇阿Sir做,就無難度,點知道自己整就完全唔掂, 除咗搓麵團無問题外,無論整形,焗爐溫度控制都出問題,首先個支曲奇鎗完全唔得,唧唔到餅出來,黏住哂出口,所有以前網友所講問題,完全出哂來,咁祇好攞個模出來鈒啦,但係每鈒一個都黏實,要用好大力先甩到,跟住跟足食譜焗爐溫度,時間,但我個焗爐火力又過猛,結果有大約1/3燶咗,要掉落垃圾桶,真係激死我,不過短期內我都唔會再整,今次因為想送俾朋友嘅仔女食先會整,如果自己食肯定膽固醇過高.

昨晚搓定三舊唔同嘅粉團,左邊係櫻花蝦芝士曲奇(咸味),中間係綠茶芝麻曲奇,右邊係朱古力曲奇




幾經辛苦,終於焗起哂啦,曲奇都好鬆化,唔知係咪同用咗印尼個隻"金桶"牛油有關? 芝士曲奇就稍為咸咗啲




真係人要衣裝,餅要袋裝,用花花袋裝好後都唔係好肉酸,明日就拎去送俾朋友,希望佢唔好嫌棄就好啦.




張貼者： 於
標籤：

5 則留言:

  1. Panpan2008年11月26日 清晨6:10

    Hi........我也是第一次學整曲奇........你的也不錯........加油
    [版主回覆11/26/2008 10:30:00]多謝你的鼓勵,我會繼續改進

    回覆刪除
  2. 小白與小黑2008年11月26日 上午9:02

    係呀 ! 用金桶整出黎 D  曲奇會鬆化好多架 !

    回覆刪除
  3. 地球人2008年11月27日 凌晨2:36

    唔係吖,都幾靚呀!!
    [版主回覆11/27/2008 15:21:00]多謝鼓勵,個樣真係唔掂,唧花有大,又有細,真係自己都接受唔到

    回覆刪除
  4. Iris2008年12月1日 晚上8:48

    你曲奇都好吸引, 如果我係你朋友, 收到都會好開心
    [版主回覆12/01/2008 21:11:00]其實我有幾個朋友非常願意做白老鼠,當然唔係次次都好食啦,呢啲叫做有得必有失

    回覆刪除
  5. JENNY2008年12月7日 上午9:25

    你cookie 做得好靚,,我以前係網上見到食譜試做過,,,但覺得口感太硬,,,,,,味道都ok ,,
    我想請教會唔會我用牛油唔多呢...焗時間太耐呢....
    [版主回覆12/07/2008 09:37:00]今次我做呢次曲奇餅算係唔合格,所以唔敢講點為之好?
    但去上堂時,阿Sir講搓好麵粉最好過夜,讓麵團鬆弛,有啲曲奇餅係需要用泡打粉發起,至於牛油我係參考網友用紐西蘭出個隻"金桶"牛油,但都幾貴要$40一罐. 食譜焗嘅時間祗能參考,每個焗爐火力唔同,有時要轉層數(中格或下格),總之要睇火,如果唔係好容易燶哂,我都掉咗1/3落垃圾桶.

    回覆刪除

訂閱： 張貼留言 (Atom)