今日終於開張攞佢出來焗麵包啦,第一次我揀咗做全麥方包,呢部機比較簡單祗有3種包款可以揀,穩陣起見,我祗係做咗食譜一半份量,將一半水改用奶,仲加埋老麵&麵包改良劑.
就係呢部機啦
麵團在發酵中
經過2小時&40分鐘後已經焗起咗,中間突起個舊係因為我係麵團發酵時,滅一細舊出來睇吓係咪有膜?答案係無,再黏番埋就變成咁核突
裡面組織都OK,祗係表皮有啲厚,試食後麵包都幾軟熟
唯一美中不足,係中間俾搓粉器介開,有幾塊唔完整,唔知有無方法可以避免呢? 總刮來講,麵包質素可以接受,日後我會試吓用其他方法,譬如湯種,中種,再加入其他材料,睇吓有乜野效果.
個樣好好味咁BO~~
回覆刪除[版主回覆11/10/2008 14:19:00]係呀! 都OK呀, 今朝早餐我食都仲仍然軟熟,唔知係咪同加咗老麵有關,下次我會試吓用中種法.
你覺得用機整定自己手整好味 D 呢 ?
回覆刪除[版主回覆11/10/2008 14:16:00]我自己覺得睇吓你想整乜野類型嘅包,如果淨係整方包嘅話,我會選擇用機,因為簡單乾淨,起碼唔駛洗咁多碗碟,但係要整型嘅話,我就寧願用手,可以變化多啲,但無論機或手做,都係最緊要令到麵包軟熟,唔好咁快老化,所以我好少用直接法或且機設定一個鐘頭就焗完麵包方法,因為發酵時間唔夠,肯定唔好食,不如出街買好過. 呢啲祗係我個人意見而已.
你覺得用機整定自己手整好味 D 呢 ?
回覆刪除咁買部麵包機又值唔值呢 ?
回覆刪除[版主回覆11/11/2008 09:42:00]呢樣野好難講,因為要視乎個人需要,如果你好鐘意食麵包,基本上每日早餐都食,但又唔想食出面街加咗化學野嘅麵包,加埋要番工,可以考慮買一部.
但如果祗係間唔中食麵包,又唔係成日整,而且屋企已經有焗爐,搓麵粉工具,就最好唔好買,因為幫助不大,而且麵包機祗得一個款式,就係方包,無造型可言.
我的台灣朋友之前寫了一篇有關麪包機的tip, 給你作參考用 ^^ http://sunnypie.bloggerism.net/archives/006535.html
回覆刪除[版主回覆12/22/2008 16:06:00]Thx.
其實我同你朋友一樣見解,每之不是加湯種,就係老麵,或者用中種,所以多數都能夠保持麵包濕潤同軟熟.