首先焗嘅係蕃茄包,材料有蕃茄洋蔥預拌粉,飲用蕃茄汁,茄膏,冷飯湯種(上次用剩嘅),加埋高筋粉,依士&牛油
中途係麵包機攪拌&發酵,都無乜唔妥.
但焗完出來後,竟然發唔起,相比以前同樣份量嘅麵團矮咗最少1/3高度,食落有啲煙UN,我唸原因係今次我跟預拌粉所貼嘅食譜份量,佢無話要落糖,我跟足去做,下次都係試吓加番些少糖,可能會發得好啲.
今次仲唸住送俾朋友,真係唔知送唔送好?
與此同時,開咗個蛋糕漿,準備焗貝殼蛋糕-Madeleine,因為之前買咗過矽膠模,所以要試新野.
倒落模後仲有剩蛋糕糊,所以多咗一個細兜蛋糕仔添.
經過放係雪櫃雪藏3個鐘後,就攞番出來焗,點知焗完後甩模,啲紋完全唔現又唔上色,其中有一隻仲無咗一"忽",你話係咪激死呀
呢個係蛋糕嘅正面,算幾上色,食落有啲脆,蛋糕都幾軟熟,我無係矽膠模內掃油&灑上麵粉,我唸下次都係好似用鐵模一樣做足
,唯有希望明天會更好啦
最後用靚膠袋包裝好,等佢個樣無咁核突,因為唸住明日送俾朋友.
麵包就好似稍差, 但蛋糕唔錯喎 !
回覆刪除唔緊要啦, 我時時整蛋糕都係咁 ~
回覆刪除[版主回覆12/16/2008 19:23:00]多謝你的安慰,蛋糕就無得講,因為從無用過矽膠模, 但...麵包我成日都焗,竟然衰咗,真係有啲唔開心
好羨慕你呀, 我真係好想買一部麵包機....
回覆刪除[版主回覆12/17/2008 09:38:00]買啦,如果你唔要求太多功能,而家價錢都唔係咁貴,就算識整麵包,有時想偷懶,都可以用,有啲麵包機嘅size好細,唔會太抯地方.
我啱啱買左呢包蕃茄洋蔥預拌粉, 咁有咩要注意呀 ?
回覆刪除[版主回覆12/17/2008 09:42:00]我都唔清楚,而家仲唸近邊度發生問題?有可能冷飯湯種太乾,應該再加水煮番軟熟,為咗顏色同好味啲,我又以蕃茄汁代水,再加埋茄膏,所以要再做多一次,先至知道.
Hi, 妳好嗎, 來探你
回覆刪除