其實都要準備幾多煮豉油雞汁嘅材料,呢度仲未包括鹵水料在內
時間關係,我係即刻煮滾豉油雞汁後(約一個鐘左右,再焗多半個鐘), 就立即開始浸雞,但未浸之前,要將隻雞拖熱水,再浸落冰水一陣,以免陣間浸係豉油雞汁太耐甩皮.
跟住將隻雞放落豉油雞汁中浸約30分鐘,其間約每5-10分鐘要翻動雞一次,令到雞能夠平均受熱,而中途要將隻雞倒轉吊起,令雞腔內嘅汁倒出,以免過熱,其實大部份時間都係熄火浸,祗係當覺得雞汁唔夠熱時,先開細火,但盡量唔可以令汁滾起,否則雞就會"鞋"
經過一輪雞汁浸洗後,終於將雞浸熟啦
將雞攤凍後,就可以斬件,淋上雞汁,就可以開飯LU.
用呢個方法浸嘅雞,雞肉果然嫩滑,連雞胸肉都唔"鞋",百彈齋主(我老公)都祗顧食,話OK喎,但我稍嫌汁咸啲,應該唔好落咁多生抽,或者加多啲冰糖,無論如何,都算成功咗,自己都好有滿足感,Yeah!
,下次會再試吓整白切雞,聽講如果要嫩滑,好似都唔容易.
好靚呀 , 仲靚過出街買呀 , 一定好滑
回覆刪除[版主回覆12/16/2008 12:19:00]係呀,有時間不妨試吓整,唔難架,祗係第一次要用多啲時間煮豉油雞汁.
我鍾意食雞架
回覆刪除[版主回覆12/16/2008 12:21:00]係呀!咁你就要試吓整囉,除咗好食之外,自己買冰鮮雞好平,大約$30幾蚊一隻左右.好抵食
隻雞d 色水好靚呢!
回覆刪除哈哈, 妳斬雞都有一手喎~
回覆刪除[版主回覆12/19/2008 19:58:00]我都估唔到自己可以夠大力斬到雞,我唸都係全靠老公買咗把"武"刀,雖然刀身都幾重,但斬骨真係好掂.
係啦, 我成日睇我老豆斬雞好似好鬼易咁, 但其實唔係囉, 所以我雖然好想整雞, 但又驚斬到核核突突.... ...
回覆刪除所以妳好勁~
[版主回覆12/20/2008 20:32:00]過獎,我未結婚前係同你一樣,唔識斬雞,後來見得多老公斬,自己咪又試吓囉,不過正如我之前所講,斬骨嘅刀一定要夠重身先夠力一刀斬斷架.
咁,....我一定要買定一把好刀!! 先可以解雞肋~
回覆刪除[版主回覆12/21/2008 10:29:00]就算買把斬骨刀都唔駛用力去斬骨,因為斬開5大塊時,主要係在關節位落刀,斬斷筋,就可以好容易分開頸,翼,脾,等位置,至於雞胸都好易由中間破開,雞胸嘅骨好脆,都好容易斬開,唯獨斬一舊舊時要斬斷骨要用啲力,大力斬落去,盡量唔好番手,以免留下碎骨,食時會拮到.
明白晒~
回覆刪除