首先昨晚浸定乾蓮子
今朝就煲滾水,放咗一湯匙梘水再放浸過蓮子落去,當煲滾後就熄火焗一個鐘,再將水倒去,跟住反覆沖洗多次,直至將衣沖走,同無梘水味為止
呢個時侯就可以放落滾水中煲約30分鐘左右,熄火焗,直至蓮子煲爛,一揘可以成粉狀,倒去水份,放入攪拌機打爛,再將蓮子溶液放入豆漿袋,扭乾剩餘水份成粉狀
咁就可以開始落鑊慢火炒,其間加適量油,糖,麥芽糖至杰身就可以鏟起攤凍.
其實唔想呃人或者自己,當攤凍後呢舊蓮蓉餡非常硬,而且起粒粒,好似叫做反砂,一啲都唔軟滑,我唸係炒過程中有問題,我都唔識,明日有時間再加水煮吓,睇吓會唔會好啲,基本上可以講係"失敗之作"啦.
好難整, 又要有耐性~
回覆刪除[版主回覆12/26/2008 21:56:00]係呀,都幾"side"時間又多步驟,所以我都唔知會唔會再整第二次?或者買啲去咗衣嘅白蓮子,又或新鮮蓮子會好啲啩?
Hi! 我是路過的，我的方法是壓爛蒸好的新鮮蓮子，然後加入油、糖拌勻，再加澄面水細火炒，好快搞殿! 不過好似夏天先有新鮮蓮子賣哦。
回覆刪除[版主回覆01/14/2010 21:09:00]其實你講嘅方法我後來都有試過，但好似蓮子味比軟淡，呢次之後一日我再加水煮稀咗，果然已經軟滑好多，不過仍然多謝你提供方法。