第一次焗嘅班蘭椰汁雪芳蛋糕

今日除咗炒蓮蓉外,仲第一次學人焗雪芳蛋糕,成日係網上見到好多人推崇話呢款蛋糕比較健康又柔軟,啱啱買嘅蛋糕書都有食譜,所以就開工啦.

跟食譜做好麵糊倒落戚風模焗,雖然放係焗爐低層,但唔知點解糕面,越升越高,直情火山噴發,唯有較低爐溫度,又用錫紙摭面,結果焗完後就係圖中呢個核突樣啦.

但...當反扣攤凍脫模後,再幫佢整吓容,將糕面片走,竟然當堂變得似模似樣,又唔係咁樣衰,真係有啲驚喜,難怪咁多人要去整容,原來都有啲道理嘅.

切開蛋糕入面,都好軟熟同濕潤,又無下陷,我未食個雪芳蛋糕,唔知係咪咁嘅呢?.今次我唸都叫做勉強過關,仍需努力個隻,下次再試其他味道,睇吓會變成點?