,因為終於學到Opera Cake啦,我報呢個蛋糕課程,主要就係想學呢個蛋糕,但係材料比較多&價錢較貴,而且功夫亦多,首先當然要做餅底先,佢唔係普通海綿蛋糕,係加咗杏仁粉,用分蛋法打起.
坐溶朱古力,加奶&忌廉打起至杰身
跟住打起咖啡奶油,都要用好多時間先至打得軟滑和顏色變淡
仲要煮咖啡糖水,無影相
終於可以砌餅,最底層係蛋糕,跟住相隔朱古力餡,又蛋糕,再鋪咖啡奶油,如是者共9層
最後一層係咖啡奶油,放入雪櫃雪硬身
將雪硬蛋糕攞出再淋上坐溶朱古力液
唧上音樂符號就大功告成,係咪好想食呢?
切開後可以見到入面相間嘅內容,試食後發覺味道濃郁,有朱古力味同埋強烈嘅咖啡味,兩種味道並存,無被對方蓋過,但因為有咖啡,所以祗適合成年人食.
又有蛋糕食 !
回覆刪除[版主回覆12/05/2008 22:19:00]一人分得一舊,不過都好夠,我唔太鍾意食蛋糕,祗係鍾意整.
整得好靚呀 , 不過整呢個旦糕 , 係未好多工夫呢
回覆刪除[版主回覆12/06/2008 09:32:00]係呀,比起整其他蛋糕多,因為兩層唔同嘅餅餡,加面層朱古力溶液
好好味咁wor!!
回覆刪除我都是喜歡煮東西 , 但吃不多 !
回覆刪除人醃尖 ! 腸胃又敏感 , 好麻煩呢
[版主回覆12/06/2008 11:23:00]我都同你差唔多,我多數係食自己整嘅麵包,其餘糕餅之類,就想辦法送俾屋企人或朋友食.不過而家每日食半碗乳酪,腸胃好番好多,以前我有腸胃敏感症,試過每日到時到侯就會肚疴,攪到要睇醫生先醫好,但成日都會番發
謝謝瀏覽我的 BLOG, 有時間請再來!!
回覆刪除整得好靚, 好想食呀!! 工序都唔少喎!!
[版主回覆12/06/2008 15:58:00]多謝
"坐溶朱古力,加奶&忌廉打起至杰身" 呢個動作打度隻手都軟呀~
回覆刪除睇到啲過程都知道一啲都唔簡單啦~
我都見過"二德惠"有得報名學呀~
[版主回覆12/06/2008 15:57:00]係呀打到索氣,雖然用機打,同埋同學一齊輪流打
我都好想學, 學呢款蛋糕特別貴 !
回覆刪除[版主回覆12/06/2008 20:59:00]我知出面學起碼要$300或以上,工聯會學平啲,但都唔夠我而家學咁平,平均$5X一堂,雖然係示範班,但都學到野,所以有時覺得超值,我已經報定下一期,繼續學,單食餅都底.
我有腸激病 , 醫生話壓力太喎
回覆刪除[版主回覆12/06/2008 21:03:00]我好似都係差唔多,後來醫生介紹我飲一隻纖維粉(橙汁味),可以令腸郁得無咁快,但有時得,有時都唔得,但一唔做野,就乜事都無,真係唔到你唔信
好吸引呀~~
回覆刪除阿姆你個蛋糕都做得好靚,,,,見到都好相食,,,我都好鐘意整野食,,甜品同蛋糕都鐘意整,,,不過都係同你一樣,,鐘意整但又麻麻地鐘意食蛋糕
回覆刪除[版主回覆12/07/2008 09:44:00]主要係我唔鍾意食太甜&肥膩嘅食物,對健康唔好,尤其是年紀大更加不宜多食,但又想整,真茅盾
我想問你係邊到學整蛋糕呢.....
回覆刪除[版主回覆12/07/2008 09:40:00]係呢度
http://www.cc.yot.org.hk/program/01-03/GW091.pdf
我想問你係邊到學整蛋糕呢.....
回覆刪除好抵呀,我想問下你係星期幾學,跟邊個呀SIR/MISS學呢 ??
回覆刪除我都有係仁愛堂學架 ~~ 你個CAKE好靚呢~