雷公鑿苦瓜真係唔苦

上個禮拜睇完"Good SO"教點揀同點煮苦瓜,心思思想試吓,因為自從開始食苦瓜,我都要用盡所有方法減少苦味,譬如用鹽醃,用水煮等等方法,昨日終於走去買咗番屋企煮,不過價錢都唔平,成$10一斤,兩隻都要盛惠$13.

跟阿SO做法: http://soszewong.blogspot.com/2008/10/good-09.html

1) 首先盡可能將白色內衣刮去,然後切大塊,開熱油鍋將苦瓜塊炒熟,因為煲咗魚湯,所以我用魚湯代替味精雞湯煮一陣.

2)捞起苦瓜後,落啄碎嘅蒜頭荳豉落鍋加油炒香,再將苦瓜塊回鍋炒一陣,洒酒後便可以食啦,

食後發覺果然唔苦,而且做法簡單,我無加牛肉,淨係清炒都好味,大家有興趣不妨都試吓,聽講雷公鑿苦瓜而家當造.否則可能要等明年先有得試囉.