日本棉花蛋糕第二擊

繼上禮拜整日本棉花蛋糕失敗後,今日又再出擊,今次記得哂所有先後次序,我減咗牛油同糖,入爐焗時亦將麵糊放係下格,爐火較低至150度焗20分鐘後,再轉140度焗多15分鐘,但唔知點解糕面始終裂開,雖然個樣無上次咁衰,但仍要有待改進,下次可能要用平底焗盤,唔好用高身嘅糕盤會好啲.

睇吓旁邊又爆咗啦唉!

用有花蛋糕袋包住送俾朋友,應該唔多覺啩.

烹飪課程-第四課(韓式燒牛仔骨&炒韓國粉絲)

今日Miss教煮兩樣韓式餸菜,分別係燒牛仔骨同埋炒粉絲.

由於無燒烤爐,所以用煎嘅方式,但係比較咸啲,如果我整會落少啲味噌同醬油.

呢個粉絲都幾好味,如果唔炒可以涼拌,韓國粉絲比較粗同煙UN,可以當午餐食,代替粉麵食,但要減少啲鹽同醬油,否則會覺得咸.