烹飪課程-第五課(意式薯糰&菠菜茸魚柳)

好快今日已經上第五堂,即係課程嘅一半,今日Miss仍然都係教兩樣款式,意式薯糰&菠菜茸魚柳

薯糰係用蒸淋咗嘅薯仔加麵粉搓成麵團,再搓成一粒粒好似肚臍餅嘅形狀,煮熟後用白汁燴都幾得意,如果唔加麵粉可以直接當薯蓉食一樣得.

搓成肚臍餅形狀嘅薯糰

為咗加快煮嘅時間,所以一邊用滚水煮薯糰,一邊煮白汁,大家同學一齊幫手做

所以好快就煮好有得食啦

另一邊廂正忙於煎魚柳同埋煮菠菜汁液

眨吓眼菠菜茸魚柳都煮好囉,味道都唔錯,但唔好俾菜式表面呃到,好似好健康,其實汁料需要用牛油煮,所以少食無妨,唔好成日食就無問題.