,因為終於學到Opera Cake啦,我報呢個蛋糕課程,主要就係想學呢個蛋糕,但係材料比較多&價錢較貴,而且功夫亦多,首先當然要做餅底先,佢唔係普通海綿蛋糕,係加咗杏仁粉,用分蛋法打起.
坐溶朱古力,加奶&忌廉打起至杰身
跟住打起咖啡奶油,都要用好多時間先至打得軟滑和顏色變淡
仲要煮咖啡糖水,無影相
終於可以砌餅,最底層係蛋糕,跟住相隔朱古力餡,又蛋糕,再鋪咖啡奶油,如是者共9層
最後一層係咖啡奶油,放入雪櫃雪硬身
將雪硬蛋糕攞出再淋上坐溶朱古力液
唧上音樂符號就大功告成,係咪好想食呢?
切開後可以見到入面相間嘅內容,試食後發覺味道濃郁,有朱古力味同埋強烈嘅咖啡味,兩種味道並存,無被對方蓋過,但因為有咖啡,所以祗適合成年人食.
