烹飪課程-第九課(泰式魚餅&星洲蘿蔔糕)

今日上烹飪課學嘅係泰式魚餅&星洲蘿蔔糕.

第一步當然要刨蘿蔔蓉,然後用油,鹽,糖煮一煮再同粉撈勻,倒入糕盤後,再攞去蒸熟

蒸熟蘿蔔糕後要攤凍,雪硬,先可以切成丁方粒狀

爆香乾蔥,菜甫,免治豬肉,加入蘿蔔糕粒,紅椒碎,再落蛋&調味就食得,我覺得如果改落XO醬,蝦米炒會更冶味,而蘿蔔糕粒最好煎香先回鑊,會比較乾爽.

另一款泰式魚餅,要將檸檬葉切碎,豆角切粒,再加入調味撈勻,撻至起膠,用左,右手互相撻至成圓形,放落鑊中炸熟

炸好就可以開餐啦,味道同出面泰國餐館有9成相似,以後想食就可以係屋企自己整,慳番唔駛俾人賺囉.