唔買又買

有時真係懷疑女人係咪天生購物狂?

上禮拜行入去"商務",見到萬里樹構做推廣,買滿3 本以上有75折,於是又順手買咗以下3本書,雖然明知其實都唔會跟書做多過3種款式,但總係忍唔住,朋友已經勸我不如去圖書館借,但我唔鐘意要有限期還書,而且見到有些好嘅食譜我又想永遠擁有,唔鍾意影印本,結果就係越來越多書,唉!唔知點算

今日去買餸,經過家庭用品店大減價,有幾款曲奇餅模加錫紙兜價錢都幾平,本來唸住唔好再買,但回心一唸,如果下次要用,可能已經無咁平,於是.....梗係又買埋添啦. 女人真係講一套做一套,無計

是日清潤湯水

而家天氣咁乾燥,為咗自己&家人著想,清潤湯水梗係唔可以停,今日去街市買粉葛,檔主提議我加栗子一齊煲,我未試過,不妨試吓,再加埋扁豆,赤小豆同一塊果皮,無落肉煲

簡簡單單祗係呢幾樣材料,加埋一塊陳皮放落滾水裡煲約3個鐘.

3個鐘後就已經飲得,味道幾清甜,我連蜜棗都無落但唔覺得淡.