首先焗嘅係蕃茄包,材料有蕃茄洋蔥預拌粉,飲用蕃茄汁,茄膏,冷飯湯種(上次用剩嘅),加埋高筋粉,依士&牛油
中途係麵包機攪拌&發酵,都無乜唔妥.
但焗完出來後,竟然發唔起,相比以前同樣份量嘅麵團矮咗最少1/3高度,食落有啲煙UN,我唸原因係今次我跟預拌粉所貼嘅食譜份量,佢無話要落糖,我跟足去做,下次都係試吓加番些少糖,可能會發得好啲.
今次仲唸住送俾朋友,真係唔知送唔送好?
與此同時,開咗個蛋糕漿,準備焗貝殼蛋糕-Madeleine,因為之前買咗過矽膠模,所以要試新野.
倒落模後仲有剩蛋糕糊,所以多咗一個細兜蛋糕仔添.
經過放係雪櫃雪藏3個鐘後,就攞番出來焗,點知焗完後甩模,啲紋完全唔現又唔上色,其中有一隻仲無咗一"忽",你話係咪激死呀
呢個係蛋糕嘅正面,算幾上色,食落有啲脆,蛋糕都幾軟熟,我無係矽膠模內掃油&灑上麵粉,我唸下次都係好似用鐵模一樣做足
,唯有希望明天會更好啦
最後用靚膠袋包裝好,等佢個樣無咁核突,因為唸住明日送俾朋友.
