聖誕再戰雪芳蛋糕

繼上次失敗嘅斑蘭椰汁雪芳蛋糕後,今日下晝無無聊聊,又再試吓焗雪芳蛋糕,今次係檸檬雪芳,吸取上次失敗教訓後,知道我個焗爐溫度較高,所以今次降低爐溫20度先將蛋糕糊入爐,當焗咗10分鐘後,更將爐溫降低多20度,又用錫紙遮面,增加焗時間多10分鐘,結果就係..

睇吓呢幅相都知成功咗啦,好開心呀!

攤凍甩模後都無下陷,不過唔記得將表面燶嘅痕跡剷走,否則就可以完美啲.

呢個係蛋糕內部,好有彈性,同上次好唔同,比較乾身,我俾咗一舊奄尖大少食,佢無彈成舊食哂落肚,我自己就一口氣食咗半個,因為知道無乜油,同埋我又減咗糖,所以又唔太甜,最重要係終於有番啲自信心啦