昨晚將剩餘嘅紫心蕃薯蓉加入麵包同其他材料中.
跟住用機打至麵團撕開見到有薄模,就變成呢一個紫紅色嘅麵團.
好似平時咁樣,經過第一次發酵,放氣,再第二次發酵,分割成9個,滾圓,放係焗模上,不過發酵時間比平時短,每次約30分鐘左右,跟住我將成盤包放係廚房窗口旁邊,就上床訓覺覺lu..ZzzzZzzzz
一宿無話,今朝起身,就見佢發大咗好多.
跟住即刻預熱焗爐,搽上蛋汁同灑上金寶碎,去洗面刷牙後,就可以放入焗爐焗啦.
約焗咗18-20分鐘左右,就可以出爐
撕開啲包仍然見到一絲絲黏住
食落非常柔軟同濕潤,係寒冷嘅朝早,食到新鮮熱辣辣嘅出爐麵包,真係有種幸福滿足嘅感覺,遲啲再做多一次添.
味道係點架 ?
回覆刪除[版主回覆01/16/2009 08:31:00]蕃薯本身無乜味,但因為加咗少少糖,同埋包面金寶碎都係甜,所以都算係甜包,但祗有少許甜味,可以當餐包或淨食都得.
麵包可以發酵全晚才入焗, 不會發過龍嗎?
回覆刪除[版主回覆03/27/2009 20:56:00]因為俾咗好少酵母,同埋溫度係18度以下,所以唔會發過籠.