南瓜椰汁年糕

啱啱學完蒸年糕,所以迫不及待試吓蒸.

黃色個兜係將南瓜批皮切粒蒸熟壓爛成蓉,再同糖水/粉漿混合,另一兜係椰汁同糖水/粉漿混合.

倒一層南瓜粉漿落模,大火蒸3分鐘左右.

見糕面凝固後,再倒椰汁粉漿,如是者直至模有8-9成滿為止.

蒸好後攤凍就反轉,就係呢個樣,因為今次試蒸,祗係用咗一半份量,所以模唔滿.

切開來食,幾煙un,我無放落雪櫃,淨係昨晚放係廚房攤凍一晚,所以唔硬,過幾日會做足一底份量.