首先要講吓生日願望,就係唔止生日先快樂,希望嚟近將來嘅日子日日都健康快樂,記得我18歲生日時,為咗記念自己大個女,同埋相差一個月嘅好同學,一齊開咗一個盛大嘅party,當時流行開party作為社交,請咗約20-30朋友&同學,當時真係好開心,亦好天真爛漫,唔知世途兇險,之後每逢生日又一定要有生日禮物或者去旅行慶祝,係多數情形許可下,至少生日當日都會請假,唔返工,覺得一年到晚,如果生日都要捱世界,好似好悽慘咁
,但呢幾年,覺得生日同普通日子差唔多,祗係同死亡又行近一步而已,無乜特別期待或者好開心.然而都仲收到好朋友同埋奄尖大少送嘅生日卡,前面個張有Hello Kitty就係佢昨晚送俾我,真係有啲意外,以佢咁古板,又唔浪漫(從拍拖到而家,祗係送過1001枝玫瑰花咁大把,好彩我鼻敏感,唔聞得花香味),竟然會揀張咁cutie嘅卡送俾我.
翻開內頁,竟然仲有立體生日蛋糕&hello kitty彈出來,都幾得意,本來佢問我想食乜野生日晚餐慶祝,但為咗唔想出去食咁多肥膩野,卒之決定今晚由佢親自下廚,買啲新鮮海鮮番來自己煮,又可以免舟車勞動之苦,人老真係越來越懶,
好啦,講咗咁多廢話,最後祝願所有人健康快樂,豐衣足食,世界和平.
生日快樂啊 ! 身體健康 . 生活愉快 ........... 送妳一枝無香味的玫瑰花喇
回覆刪除奄尖大少親自下廚 , 妳就有福喇
記住話我地知今晚食乜餸 !!
[版主回覆01/17/2009 17:38:00]多謝你無味嘅玫瑰花,啱啱食完龍蝦(約斤半重),一人一邊,用蒜蓉蒸,再飲咗啲果子酒.
點解咁早食?因為驚一次食唔哂咁多野囉,今晚仲有13兩重嘅東星班,同堆新鮮扇貝炒西芹,湯係將龍蝦殼,大眼雞湯&鰂魚煲嘅海鮮湯,係咪有啲流口水呢?
呀!唔記得叫佢燉啲燕窩做甜品添,係咪有啲貪心呢?
好豐富呀 !
回覆刪除再次祝妳幸福快樂
哈! 原來你早我一日生日喎!
回覆刪除[版主回覆01/20/2009 14:56:00]咁你亦即係山羊座囉,不過一定唔同年份,事關我已經係阿嬸.
Haha..u r one day earlier than my bday wor!
回覆刪除Wah...u r so kin lar, cook yummy food all the time! I also want to do, but still very lazy and hvn't 的起心肝 to yet...hehehe
[版主回覆01/27/2009 16:51:00]Nice hearing from U,hope U will cook more delicous food and post in blog to share in future, when U feel free .