無計呀!今日買咗隻新鮮活雞番來.
洗淨雞後,將佢掉入已放咗薑,蔥,八角(約2-3粒),鹽(2茶匙),紹興酒嘅熱水中浸約20秒後,再放入冰水中約10-15分鐘,令雞皮唔會熟咗後爛皮.
再將浸雞水滾起,放番隻雞入熱水中,直至再滾起,熄火用瓦碟反轉壓住隻雞,令佢唔會浮起約25-30分鐘左右.
然後將佢放入冰水中冷卻約10-15分鐘,令皮脆肉爽.
跟住吊乾佢,到食時先斬件.
斬件後加埋薑,蔥,鹽,鑽熱油伴食就攪掂lu.....,果然好有雞味,雞皮好爽.
但....其實我有失手,就係雞脾位唔熟見紅,結果要番蒸,所以係相中見唔到雞脾部份,因為我太心急祗係浸咗20零分鐘就攞出來,爭咗些少時間,下次一家要浸多5-10分鐘先得.
哈哈! 等我仲好理所當然咁諗住白切雞係咩調味料都唔駛落架添!
回覆刪除因為我屋企整嗰種係隔水蒸，咩都唔落既超白白切雞!
[版主回覆01/07/2009 09:27:00]有一次我睇電視,好似係名人廚房,個美食專家教嘅,我即刻抄低,然後學佢整跓囉.
請問你識唔識整馬蹄糕，我搵緊機會入廚房整呢個年糕，我上網搵個食譜，大致有兩種做法，分別在於一種係加吉士粒，而另一種係加沾米粉，唔知係咪沾米分嗰種最似酒樓食到嗰種呢?
回覆刪除請賜教!
[版主回覆01/07/2009 09:41:00]唔好講賜教,馬蹄糕我年年都有整,但我嘅方法比較簡單,無落吉士或粘米粉,
1)啄碎馬碲,想顏色靚啲就用片糖,唔係就用白砂糖煲溶約一飯碗水,趁滾起後將碎馬碲放入去,要試味,要俾食糖水甜啲,因為陣間要加馬碲粉水會溝稀無咁甜.
2)再滾起時慢慢將開好馬碲粉水(我係超級市場買最普通個隻牌子,約半包粉加凍水開稀,唔杰身就得),倒入攪至杰身,再倒入糕模或錫紙兜,蒸至透明色約30分鐘,攤凍放落雪櫃就食得.
落吉士粉祗係令顏色金黃好睇,但未聽過落粘米粉,所以就呂唔知點解lu?
第一次整就咁靚,我比你70分 至於果30分............. 因為無論浸雞或蒸雞最少要30分鐘(除非你隻係超小雞) 所以扣你30分
回覆刪除[版主回覆01/07/2009 09:43:00]多謝你俾70分,下次會攞埋你另外個30分.
原來要咁多功夫架 ! 我仲以為就咁用水烚熟就得添 !
回覆刪除我最鍾意食白切雞
回覆刪除[版主回覆01/07/2009 09:44:00]我嫌佢無味,又要點薑,蔥,所以真係少食.
我最鍾意食白切雞
回覆刪除咁就要試食才有機會攞滿分咯
回覆刪除[版主回覆01/07/2009 17:36:00]咁...就要等科技發達到可以係網上傳送色,香,味先至得囉
哈哈!
明白，明白，多謝哂! 等我遲啲試吓先!
回覆刪除之前整南瓜餅既時候，家中大廚都叫我落啲粘米粉，佢話會令個餅無咁黐口，但最終唔想買得太多料，所以無落到；至於網上食譜講，整馬蹄糕加粘米粉就唔知係咪呢個原因。或者我到時試下一兜加一兜唔加，睇吓有咩分別先!
[版主回覆01/07/2009 21:56:00]如果成功咗,就講聲俾我知啦.
隻雞都斬得唔錯吖~
回覆刪除