首先開好粉漿,另外有鮮蝦&上次包粉果剩低嘅餡料.
工具有腸粉盤同埋兩塊腸粉布,用來輪流替換.
當鑊中熱水滾起時,放平腸粉盤,再鋪腸粉布,落一層較稀嘅粉漿墊底,唔係要來食嘅.
將呢塊腸粉布放落凍水中浸一浸攞起,再鋪番入盤中,落粉漿加餡料,蒸約2分鐘,見粉漿起泡,即係熟,可以攞出腸粉布,反轉鋪係已經掃咗油嘅枮板或茶盤上,然後用竹籤沿邊緣挑起,慢慢將粉皮撕離塊布,用界麵團刀捲起成腸粉.
睇吓捲起灑上炒香芝麻同淋上煲仔飯豉油就食得啦,由於有包餡個幾條買相好唔掂,又穿咗洞,無面見人,俾我食咗落肚lu..,
腸粉真係好幼滑,可以拍得住酒樓嘅出品.但都幾難拉,而且鑊中滾水好熱,放粉漿同攞腸粉布上來,都要好小心,好容易炙傷手腕內側,之前我都試過,況且屋企個鑊係圓底,所以好難將腸粉盤放平,而令到粉漿可以平均啲.
SO GOOD
回覆刪除勁勁~ 凍冰冰的天氣, 做這最好不過喇~
回覆刪除我想整腸粉好耐，而家知道點整喇！多謝你既分享，但我想問個盤和布係邊到買架？
回覆刪除[版主回覆01/09/2009 16:00:00]可以去油麻地上海街一帶賣廚具嘅鋪頭,行入去問吓,大部份都有得賣,個人覺得'陳枝記"或者"萬記"價錢都幾實際.
你好勁! 咩都識整!
回覆刪除[版主回覆01/09/2009 15:57:00]多謝過獎,祗係三腳貓功夫,鍾意乜都試吓整啫.
我想整涼拌豆腐，有冇咩食譜?
回覆刪除[版主回覆01/10/2009 09:34:00]對唔住,我無呢個食譜.
阿姆....妳真係好犀利, 乜都得既~ 勁~ 佩服. 佩服~
回覆刪除[版主回覆01/10/2009 09:33:00]唔係勁呀,錯覺呢架,肉酸&失敗個啲你見唔到,我食哂落肚咋.
整得好靚呢
回覆刪除勁呀！難得你咁多樣都有興趣整！
回覆刪除[版主回覆01/13/2009 14:44:00]係呀!,我個人鍾意攪攪震嘛.
你好強勁呀!!! 布拉腸粉都識整, 我好鍾意食腸粉.
回覆刪除[版主回覆02/03/2009 14:32:00]多謝不過我都係學習中,唔算"好勁"咋.