首先用削皮刨刨薯仔同埋紅蘿蔔,用時候都非常暢順,亦唔需要太用力,輕輕刨下去,已經去了皮,都好乾淨.
而薯仔我平時用金屬刨未刨完已經開始變啡色,要立刻放入水中,今次我特意唔用水浸,祗係放置係度,過咗20分鐘,仍然未變色,果然無誇大功效.
跟住用菜刀切滾刀塊狀,真係輕脆利落,唔需要太用力,好快已切完, 但至於紅蘿蔔比較硬身,需要用力切,但都好快完成使命,祗不過刀身沾染了紅色蘿蔔汁,不容易洗甩.
呢兩兜係已經切完,放係度約30分鐘,薯仔仍然未變色,今次測試過關,以後都會常使用呢個刨同刀,但聽網友講,用咗約半年後刀鋒會開始鈍,我唸到時再搵代理,睇吓點磨番利佢,暫時用住先啦.
OK, 今晚太夜唔打攪你,睇吓明日晏晝,如果你方便打俾你好嗎?
回覆刪除之前我幫襯山東一個買家買麵包,蛋糕模之類,都幾平,電器就平都未必啱用,因為電壓唔同,要轉電插頭,好麻煩. 不過我見到有啲人買衫褲鞋襪都話幾好,但最緊要留意運費,一家要賣家計清楚,否則就妹仔大過主人婆.所以價錢平都唔好揀太遠地區交易,因為運費可能會貴過廣東省.
好似青衣城實惠都有得賣~~5吋刀100蚊都唔使,勁抵,仲有1年保修 + 免費磨刀1次...聽聞6月份沙田實惠都會有促銷~~~
回覆刪除請問係陶竇邊間, 可唔可以話我知
回覆刪除[版主回覆06/28/2009 21:26:00]我上番淘寶網搵呢個賣家,佢好似已經無再賣刀,不過你可以上去搜索吓其他信用好賣家,最好揀廣東省,咁運費可以便宜啲.