用大滾水沖入調配好嘅澄麵粉+少許糯米粉+幼砂糖水或糖霜,若果是綠色皮就加入幾滴斑蘭葉油,紅色可以加食用紅色素,或士多啤梨色素,搓勻後,若果整安琪梨就用綠色皮做外皮,白色做內皮,搓成圓兜狀,包入白芝麻或黑芝麻餡,頂部插上桑寄生枝作果柄,約蒸5分鐘就得.
其實壽桃造法都差唔多,將紅色外皮包白色內皮,再包芝麻餡,搓成尖圓形,用牙簽係中間壓出一直線,另外再用綠色皮搓成尖長形壓扁,用牙簽刻出樹葉紋,黏上壽桃中就可以攞去蒸熟. 呢啲都係我堂上整嘅作品.
另外Miss趁我哋忙碌之際,自己同時又整咗紅蘋果&士多啤梨俾我哋參考,呢個點心如果蒸起即刻食都幾軟熟同好香麻蓉味,但如果凍咗,皮會變硬,就要重新蒸軟番先可以食.
整得好似 好靚呀
回覆刪除有無食譜呀 ? 壽包易唔易整呢 ?
回覆刪除[版主回覆02/06/2009 09:02:00]唔想係呢度公開,始終都係Miss嘅食譜,不如你俾個email address我, 我send份notes俾你參考,都唔係好難,幾好玩.
真係唔該晒 ! email : dickyally@yahoo.com.hk
回覆刪除好靚呀! 靚到似擺設呀~ 犀利~
回覆刪除整得好靚呀, 好想食呢~~
回覆刪除