今日學整日式麵,主要係用高筋粉,鴨蛋,少許鹼水同清水,將清水,蛋汁和鹼水混合後,逐少撈入粉中,輕手按壓成粉團,千祈唔好大力搓,之後由麵團鬆弛一陣約10分鐘,灑上粉用棍碌薄麵團,中間要不停灑粉,最後用刀切成幼條或粗條,隨各人口味,揚開麵條就可以放入滾水中,要不停用筷子攪拌,唔好俾麵條黏埋一齊,當水再滾起後就可以撈起,放入冷開水中過冷河,撈起用些少麻油撈勻.
至於大碗麵湯底都係用大荳芽菜,再加花生醬,糖,鹽調味,配料就有素蝦仁,素魚肉,素蟹柳等,但我嫌太"啩",所以帶番屋企再加牛肉同白菜仔.
呢碗就係我加料嘅日式大碗麵嘞,係咪好豐富呢? Yummy,好味道
勁喎, 連麵都整埋 !
回覆刪除[版主回覆02/25/2009 09:46:00]唔係好難咋,之前我都有學過一次,祗不過係嫌麻煩,不如去買仲快捷方便,又唔太貴.係咪?