終於昨日下午係淘寶網同一個廣州賣家買咗以下呢3樣野,估唔到佢哋啲效率非常驚人,竟然今日晏晝速遞公司已經送貨到我屋企,真係快到自己有啲唔信,仲好過係香港拍賣網買,又要安排見面交收,或者郵遞都要2-3日啦.
講番我買咗一把6吋長中式菜刀(白色個把),一把3.5吋長黑色令面嘅生果刀,同埋一個瓜皮刨,連埋運費你估吓幾多錢? 答案係盛惠人民幣$222正,換算港紙都係約$250左右,你話底唔底嘞? 原來佢哋都有3年保養,仲係香港都有辦事處,所以有乜問題,都可以攞去俾番佢哋.
收咗刀之後,我當然要牛刀小試啦,即刻用生果刀切個橙,果然鋒利無比. 至於菜刀就用來試切咸蛋黃,完全無難度,明日再試吓切其他野先. 咁我都好快手,轉頭已經通知支付寶過數俾賣家,咁就貨銀兩訖.
HI,我想問呢,點先可以申請淘寶ge帳號同係淘寶買野啊?
回覆刪除你去以下呢個網址登記,同普通登記其他網無乜分別,但會要另外開多一個支付寶嘅A/C,主要作用係當你買咗野俾錢賣家時用,唔係直接俾錢個賣家,而係俾咗支付寶先,佢哋會扣住貨款,直至買家收貨又滿意後,再通知支付竇過數俾賣家,其實對買家都有相當程度保障,唔錯架, 你可以試吓,不過千祈要問清楚賣家運費收幾多,唔係分分鐘會買貴咗.
回覆刪除http://www.taobao.com/?ad_id=&am_id=&cm_id=&pm_id =
我想問淘寶買野係咪一定要有信用卡呀?如果我無用卡咪唔可以申請囉?
回覆刪除[版主回覆06/05/2009 07:43:00]應該係,除非你有國內指定銀行戶口,或者聽講可以經香港淘寶網辦事處付款,詳情你自己可以上淘寶網睇吓.