材料有酥皮-左上角,(即水皮包油皮後,碌平摺疊成3折,重複3次,最好放係雪櫃雪2-3個鐘或過夜), 蓮蓉餡-右上角,咸蛋黃隔去咸蛋白,用米酒灑於蛋黃面蒸熟,一開四備用.
將蓮蓉餡同粉團分成等份,比例約為3(餡):2(粉團),首先將蓮蓉餡包住1/4咸蛋黃,再將粉團壓扁,用棍碌薄成中間厚外邊薄圓形粉皮,包實蛋黃蓮蓉餡,埋口要搓實向下.
放係焗盤中,搽上蛋黃汁,點上白芝麻係面裝飾,就可以放入焗爐焗.
中途要再搽多一次蛋黃汁,總共焗咗約20分鐘就可以出爐.
攤凍切開後都唔錯,但皮始終無上次用豬油搓皮咁香同鬆化,而蓮蓉餡因為減咗油&糖,就淡味啲,今次都算唔錯,我覺得有80分架.
(Empty)
回覆刪除一定係好好味...
回覆刪除點解要 "用米酒灑於蛋黃面蒸熟" ????
[版主回覆03/12/2009 22:37:00]辟蛋腥味同堆增加香味.
嘩！賣相一流 ，一定好好味！
回覆刪除[版主回覆03/13/2009 15:17:00]多謝欣賞!
但個舊酥皮因為用固體菜油,所以無豬油咁鬆化同香味,皮比較實咗啲.
差d 唔記得, 食完之後有少少乾，不過唔甜好好食，有得做 "白老鼠" 真好
回覆刪除[版主回覆03/17/2009 18:20:00]哎呀,你真係厚道,我自己就覺得今次個餡好粉,唔好食,下次都要落番原本份量嘅油去炒,但糖就可以減半,而酥皮始終都係用豬油搓香好多,多謝你肯做我隻白老鼠.