炒蓮蓉-改良版

吸取上次經驗,今次我買了現成新鮮蓮子,咁就可以唔駛做咁多功夫,浸水,去芯,去衣,等,而且非常容易稔.

$10有3包,共約250g左右.

蒸咗約20分鐘左右已經夠稔身,用匙羹一壓已爛,但仍有微粒,所以我再用攪拌機打多一次.

跟住就可以落鑊煮去水份,今次我用免黏底嘅pan來煮,油已經同蓮蓉混合後再一齊煮,咁就可以避免俾油彈到自己.

煮到差不多乾身就加糖,再煮一會,用手指拎起一小團可以黏埋一齊,就可以加粟粉水,煮至成團狀,就可以熄火.

呢兜就係煮完後個樣,但點解唔係金黃色嘅?,原因係我減咗油&糖,所以唔透明,但仍然好香蓮子味. 點解我唔係街買?要咁麻煩自己煮餐懵呢?原因係我覺得出面街個啲好油,好甜,又唔知係唔係百份之一百蓮蓉?有時間我就寧願親力親為自己嚟好過.