牛奶忌廉辮包

上個禮拜無事忙,攪到要破例買出面街麵包,真係食包唔知包價,原來而家一個包要成$6-7.5好貴,而且一壓就扁哂,証明落咗麵包改良劑啦,所以趁今日有時間,加埋淡忌廉就快過期,因此決定焗咗呢個牛奶忌廉辮包.

材料包括高筋粉,淡忌廉,牛奶,砂糖,乾伊士,少許鹽,無鹽牛油等.

將所有材料倒入兜中,鹽記住不要和伊士混埋,否則有機會發唔起,除咗牛油外,用機打至麵團起筋後才落牛油.

攪拌至麵團撕開小塊,見到有薄膜,就可以作第一次發酵至2倍大左右,放氣後再作第二次發酵.

約20分鐘後切割成3等份滾圓,再放置約10分鐘左右,搓成長條.

跟住就開始擯辮,記住頭尾都黏實啲,如果唔係一發起就會散開.

最後發酵後,就搽上蛋汁,灑上金寶碎(crumble)在包面,就可以放入焗爐焗嘞.

焗咗20分鐘度,就可以出爐,食落都好軟熟,明天搽埋自製士多啤梨果醬就prefect lu....