餡料有絞碎豬肉要加水至膨脹輕身後再加調味料雪凍一陣,鮮蝦剝殼去腸後切成細粒,同豬肉碎撈勻,韮菜亦要切粒,不過要包餡時先加,以免出水.
預備好餡料後,就開粉加水搓勻至光滑,靜置約10分鐘,將麵團一開二,搓成長條形再切約10g圓粒狀,壓扁成圓形,用麵棍捍成圓形水餃皮.
將餡料由雪櫃攞出來加入韮菜粒同麻油撈勻,就可以開始包水餃.
跟住將水餃放落滾水中煮,但放落後要用鑊鏟推開,以免黏底,仲要滾起時,加一碗凍水,重複2-3次,防止水太熱,令水餃皮太熱破爛,直至餃子浮起,咁就可以熄火撈起食得.
切開水餃,都算皮薄餡多,今次叫做pass啦. 不過唔知點解,食譜話水餃皮份量做25隻,但我結果做咗43隻,真係有排食,希望奄尖大少肯幫襯吓.
其實今日除咗整水餃,仲整定呢個豬皮凍,要用來遲啲整小籠包餡汁液用.
材料有豬皮一塊,免費嘅買豬肉碎時老板娘俾,要去咗剩餘嘅肥膏,雞腳,姜,蔥,燒酒,將豬皮,雞腳洗淨後出水,豬皮要切小塊同埋雞腳用小火煲3個鐘,
倒出隔去渣同油份,攤凍放入雪櫃雪凍成啫喱狀,用時切粒就得.
沒有留言:
張貼留言