精緻蛋糕甜品班-第一課-奶油包

昨日又開始上新一期蛋糕甜品課程,一行入課室,發現超多同學,其中有新有舊,共20人,我因為準時到,結果要坐課室尾段,不過都睇到Miss示範.

第一堂學嘅係奶油包,呢款麵包我以前已經學過,不過而家溫故知新再學多次,因為第一堂所以Miss自己搓咗麵團先,唔駛我哋郁手,經過第一次發酵後,就分割麵團俾我哋做第2次發酵.一人有3個小麵團約重35g.

將麵團四周向內捲入成圓形,放在枱上作第2次發酵約20分鐘,再搓成橄欖形放在焗盤上作最後發酵至3倍大.

同時Miss仲示範埋辮包做法.

麵包焗好啦,因為無搽蛋汁,所以麵包面較為啞色.

最後攤凍麵包,斜斜切開唧上奶油(牛油加糖粉打鬆)就食得,即埸食都好鬆軟,又唔甜,但今朝食已經老化咗,始終奶油高卡路里,少食為佳.