柑桔土司(中種法)-新鮮酵母

今日做呢個土司用咗兩樣唔同嘅新野,第一係酵母,早兩日買咗呢舊新鮮酵母,用之前要搣碎佢,再用暖水加少少糖(可以唔加)浸約5-10分鐘,等啲酵母活躍先再加粉同其他材料.

首先我搓好舊中種麵團,靜置約90分鐘,再加埋主麵團其他材料,用機打到出薄膜,就放落呢個係十元店買嘅發泡箱(當然唔止$10咁平)內作第一次發酵,過咗30分鐘已經發到黏住箱頂,真係勁.

如是者再經過分割,第2次發酵,整形,最後放落土司模內作最後發酵至8-9成滿,就可以放入焗爐焗.

焗約30分鐘就可以出爐,就係呢3個小山丘嘞.

攤凍切開試食,真係幾鬆軟,旁邊個塊争啲企唔穩,唔知係新鮮酵母或是發酵時間夠呢? 都要試多幾次先肯定.