精緻蛋糕甜品班-第六課-芒果奶凍&蜂蜜合桃蛋糕

今日學嘅係呢兩款蛋糕甜品,佢哋就就係芒果奶凍&蜂蜜合桃蛋糕.

首先講芒果奶凍,主要分三層,底部嘅奶凍係用雲尼拉籽同奶,淡忌廉,糖煮溶,趁熱加入浸軟魚膠片,溶解後倒入透明杯中雪凍.

跟住將芒果打成茸,而將浸軟魚膠片加糖坐熱溶解,倒入芒果茸加芒果粒後,放係奶凍杯中層,又放入雪櫃雪至硬身.

最後做芒果慕士,將淡忌廉打至軟滑,加入坐熱溶解魚膠片加糖中,再將芒果茸加入,倒係奶凍杯上層再雪凍,咁就完成啦.

呢將相係已經加入中層芒果汁.

呢杯已經係完成嘅芒果奶凍.

可惜個杯唔係透明,所以睇唔到層次感,但味道就非常"正",我遲啲都會試吓做.

另外一款係蜂蜜合桃蛋糕,用分蛋法,將龍眼蜜加入打起嘅蛋黃漿中,而將打起硬身蛋白分3次加入,再將過篩麵粉倒入,輕手拌勻,最後再加入坐溶牛油,倒入模中,將適量合桃放係蛋糕面,就可以放入焗爐焗.

食落呢個蛋糕質感同台灣義美個款蜂蜜蛋糕唔係好似,不過仍然鬆軟好食.