首先睇吓有乜材料:
呢啲係包鹹粽餡料,有鹹蛋黃,五香豬肉,江瑤柱,冬菇,栗子,蝦米等.
當然唔少得最主要嘅白糯米,開邊綠豆,黑糯米.
甜粽材料有浸過夜紅豆,糯米,糖桂花,紅豆沙(做餡),我係想包桂花紅豆粽.
好嘞,一切準備就緒後,就開始懷住戰戰兢兢心情,俾心機包呀包....睇吓,呢盤係鹹粽,有用5塊葉包成嘅坦克車,亦都有用3塊葉包成5角粽.
而呢8隻係用兩塊葉包成嘅桂花紅豆粽
但因為烚完後仲要焗多幾個鐘,所以未有解開粽嘅相可以post住,總括今次比上次流暢,技巧純熟啲,其實主要係今次買咗啲大塊粽葉嚟包,起碼唔駛每隻粽包兩次,但外形仍然唔靚,草繩又紮得唔夠實,出年仍然要繼續努力,造到最好.
D粽好多餡,好正相信一定好好味.
回覆刪除[版主回覆05/20/2009 20:01:00]係呀就係因為多餡,所以都幾難包得好, 至於好唔好味暫時真係唔知? 希望收到嘅人滿意啦.
一個字形容 "勁"
回覆刪除[版主回覆05/21/2009 16:57:00]Thx.
聽日我都要陪我奶奶包呀, 不過一定無你包得咁靚啦. 因為奶奶話佢咁多年黎都係無師自通, 求其包實隻粽唔散就得喎.... haha 包完比你睇下吖!
回覆刪除[版主回覆05/22/2009 14:55:00] 好呀!其實我都包得唔靚,又唔起角,草繩又紮得唔夠實,祗係好想征服呢個難題而已.
咁豐富既材料，一定好好味，見到都想食！早D見到就好啦！可以請你今日送一兩隻比我試下就好喇！
回覆刪除[版主回覆05/22/2009 19:53:00]祗係獻吓醜,如果你話食,一定會送俾你試吓,祗怕你唔賞面啫.haha!
媽媽生前會給我預備 , 現在由姐姐繼承衣缽 , 她的手藝和廚藝很了得架
回覆刪除[版主回覆05/23/2009 17:38:00]咁都幾好呀,可以薪火相傳,有人繼續接棒,手藝就唔會失傳,我都係怕手藝會消失,所以先去學包粽.
好多料喎
回覆刪除[版主回覆05/23/2009 17:38:00]多謝!
終於我都包好咗啦, 你都去我個BLOG度睇下吖, 不過我奶奶其實無學過, 所以個型都係唔靚架, 不過就好夠實, 味道都幾好添!
回覆刪除[版主回覆05/25/2009 08:14:00]好開心知道你可以完成,講真對新手嚟講,包粽難度都幾高,祗要用心去包,食嘅人一定會感受到你嘅誠意,所以外形都唔係咁重要,等我哋出年繼續努力,加油!
大工程阿! 不過自己整既幾時都係最好食
回覆刪除[版主回覆05/27/2009 15:11:00]Thx.