中式芝麻饅頭&豆沙包

今日又捲土從來,針對上次金絲卷有問題地方,上網找尋失敗原因,所以今次搬出祗係用過1001嘅壓麵機幫手.

昨晚已經用老麵發定麵種,加埋用剩芝麻汁,中筋粉,芥花籽油等搓滑成團,鬆弛一陣,就用壓麵機來回幾次將麵團壓過,咁就可以將麵團內氣泡壓走,再將麵團捲成圓柱狀,一半用來包豆沙餡成為豆沙包,另一半切成饅頭.

經過20分鐘發酵鬆弛後,開中火將包放入蒸籠,蒸約20分鐘,中途將籠蓋打開一條隙,睇吓點知蒸好後仍然有一半以上皺皮,激死人,但細心研究後,外皮無泡,咁就應該同火侯有關,食落都好鬆軟,好過上次用直接法,唯有下次再努力啦.