香蔥火腿包之前我曾經學過,所以今次係溫故知新啫,將麵團經過第1次發酵,分割,再發酵,將麵團整成長方型,將火腿,蔥粒事先用麻油撈過,均勻鋪上麵團面,捲成圓柱體,橫切成均等3份,但唔好完全切斷,將麵團扭成品字型,就可以作最後發酵.
之後放入焗爐焗約15分鐘左右,就可以出爐啦.
至於叉燒餐包就比較煩複啲,要煮好叉燒獻攤凍後加入叉燒粒同洋蔥粒(可以唔加),而麵團同前面一樣,分割完作第二次發酵後,將麵團壓成圓形,包入叉燒餡,作最後發酵.
呢啲就係發酵緊嘅叉燒餐包.
當發至2.5-3倍大後,就輕手掃上蛋汁,放入焗爐焗,出爐後立即搽上糖水係包面.
雖然係用直接法,但麵包出爐試食後都好鬆軟,每人一款兩個可以帶走,總共有4個包,咁我又可以有兩餐早餐嚕.
沒有留言:
張貼留言