食Hotdog做晏晝

今日有事要出荃灣,順便去試吓有好多人係Openrice讚話好食嘅熱狗之家.

呢間鋪都幾隱閉,係華都中心地下一個角落.

睇完餐牌就叫咗呢個店主金牌推介嘅"香草芥末芝士熱狗餐"要燒烤芥末汁,配凍榛子咖啡.

個熱狗包內外都烘過,外脆內軟,熱辣辣都幾好食,祗係香腸比較細條同個汁酸啲,至於凍榛子咖啡就唔太甜,飲落有香味,都幾好飲. 成個餐要成$34,呢個價錢係貴咗啲,但味道唔錯,所以我覺得OK喎.