呢個星期二朝早煮咗湯種攤凍,放入雪櫃16個鐘,我祗係等咗14個鐘,因為眼瞓想瞓覺,將中種麵團份量加入,搓至光滑,放係室溫1個鐘,再放番入雪櫃,直至星期四下晝先攞出嚟,再加入主麵團,雞蛋,牛油等搓至光滑,有薄膜見到,就作第一次發酵,跟住排氣,切割,滾圓,靜置15分鐘,分成3等份,來回捲壓兩次,捲成同麵包模闊度,放入麵包模作最後發酵.
我因為心急要準備晚飯,所以發咗7成就放入焗爐焗,結果唔可以頂角,同埋包面唔多上色.
但包側邊同底部就OK,而且麵包非常軟熟,見到麵包開始收腰,就即刻打側放直至攤凍為止,
切開包內部組織,氣孔比較精密均勻,雖然隔咗一晚,但食落都好軟熟,不過又唔覺同其他發酵方法有太大分別,加埋牛油就比平時落多成10g,同埋全部落奶,無用水,我自己覺得一試無妨,但唔會再用咁多時間去發酵囉.
厘個做法真係考耐性呢...我心急跟她的即日牛奶吐司整, 已好軟熟和好味, 睇黎5洗試60小時包包lu...
回覆刪除[版主回覆06/19/2009 18:40:00]我都係咁話,頂多做個低溫湯種就算嘞,我都係貪得意,唔會再試呢個馬拉松發酵方法.
睇來真係好鬆軟喎！可惜無機會試食啦！
回覆刪除[版主回覆06/23/2009 13:20:00]唔好講到生離死別咁啦,我們有時間都可以約出嚟飲茶吹水嘅,到時再分享自製作品同心得,right?
唔好誤會，我係話當日咋！第日梗係大把機會啦！
回覆刪除