首先要摺紙包木框.
跟住要將奶,牛油加熱,而蜜糖亦雖要加溫成液體,將全蛋加糖後坐熱水打至奶白色,再加入SP(蛋糕乳化劑),蜜糖,味霖等,再慢慢加入已過篩麵粉,煮熱奶,牛油,直至完全混合就可以倒入鋪紙木框裡面.
要凳幾下木框,令氣泡消失,入爐分半鐘後,拉出噴水(當然係暖水或凍滾水),再用刮刀刮平麵糊表層,重複共3次,主要作用係消泡同埋令糕面平滑,焗約30分鐘,蛋糕面已轉金黃色,再係糕面鋪上牛油紙,用另一個焗盤壓住糕面.
再降低爐溫,焗多20分鐘,插入竹籤,無野黏住就表示熟透,出爐要立即倒扣5分鐘再反轉,撕開四邊紙,甩開木框.
呢個係剛出爐個樣.
甩去木框後攤涼,見到有些少收腰,但好彩唔太嚴重,並無下陷,如果唔係急住食,最好用保鮮紙包好直至第二日先切,咁樣蛋糕會濕潤好多,其實類似月餅一樣.
終於等到第二日可以切蛋糕嚕....雖然味道幾好,蛋糕亦鬆軟,但氣孔較大,我諗因為我唔記得凳盤同減咗SP.
所謂分甘同味,包好可以攞去送俾朋友嘞.
係就係冇咁細孔, 但都都好好食,
回覆刪除[版主回覆06/12/2009 22:59:00]唔記得同你講,要落個隻台灣高溫龍眼蜜會好味好多,我專登去元朗家政坊買架,唔知你用邊隻蜜糖呢?
好開心有機會試食，雖然氣孔較大, 但係都好好食，多謝晒！
回覆刪除[版主回覆06/13/2009 08:55:00]唔好客氣,大家有機會研究吓係好事.
好複雜啊~~~
回覆刪除[版主回覆06/16/2009 15:50:00]係呀比普通蛋糕複雜咗啲,但我鍾意食蜂蜜蛋糕,所以要學囉.
回覆刪除[版主回覆06/22/2009 16:38:00]其實仍需努力,未算好架. Thx.
點解要用木盒嘅？我都整過蜂蜜蛋糕，但係嗰個食譜無咁複雜架！我估你呢個正宗D好味D！
回覆刪除[版主回覆07/23/2009 11:05:00]呢個係台灣版本正宗食譜做法,用木框主要係耐熱,咁蛋糕邊同底都唔會燶,如果你食個台灣義美蜂蜜蛋糕就差唔多咁樣.
點解你個焗爐有兩個黑盤咁好?
回覆刪除[版主回覆02/03/2010 23:23:00]其實係以前舊焗爐壞咗,我留番兩個焗盤,所以先至有咋.
請問你個木框係邊到買架 ?
回覆刪除[版主回覆05/27/2011 14:59:00]係銅鑼灣個間"心甜"買, http://www.sweetiebaking.com/Bakeware_chi.htm
雖然大家唔認識大家，但係我們可否做朋友???
回覆刪除^^
[版主回覆07/15/2011 17:57:00]睇你個blog開咗無耐,應該係教烹調,如果你有興趣可以訂閱睇我個blog, 不過我加blog友,全部都係識嘅朋友,所以唔好意思,我唔會加你做朋友囉..
睇見好想食,流口水!
回覆刪除[版主回覆07/30/2011 23:46:00]現在好少焗呢款蛋糕喇,因為要落好多蛋黃,又要落SP, 蛋糕乳化劑,如果唔係蛋糕氣孔好大,食落唔夠軟熟,所以都無整囉.