精緻蛋糕甜品班-第九課-藍啤梨慕士餅

今日已經上到第九堂,亦即接近尾聲,番埋下禮拜要等到7月中先會再上新課程,今日Miss示範呢個蛋糕比較複雜.

首先要做甜鬆酥批底,又要焗海綿蛋糕,除咗要做藍啤梨慕士餡,仲要做雙色蛋糕圍邊,見到都頭痛,我諗如果自己做會減少啲程序,唔做咁多樣.

上述一切準備就緒,就開始砌餅嘞.

係模底鋪上批底,跟住圍蛋糕邊至模身高度一半左右,搽上藍莓果占,再放一層海綿蛋糕,倒一半份量藍啤梨慕士餡,又鋪一層海綿蛋糕,最後將剩餘一半藍啤梨慕士餡倒上面作頂層,放入雪櫃雪至硬身就可以甩模.

一人一舊,呢舊係我自己嘅.