2009年6月24日 星期三

又買咗新玩具-鈉米能量杯

見到報紙賣廣告好耐,但價錢都幾貴,一隻杯最少都要成300幾元,但成效仍然係個謎,當然唔會買嚟試啦,但近日我係淘寶網見到有得賣,而價錢加運費都唔駛100元港紙,於是就買嚟試吓,今日由速遞公司送到屋企嘞.

佢個正式名稱叫做微電解製水器,除咗呢個包裝,外面仲有個卡通箱,用膠紙封實.




打開紅色包裝,裡面就係個杯,其實仲有說明書,保養証,同一隻光碟介紹呢隻杯.




而主要電解作用係靠呢個杯芯,入面有經鈉米技術將生化陶瓷,不同礦石係高溫下提取有用成份融合而成粒子,當將普通水倒入杯中,搖動杯身幾下,再等5分鐘度,咁水會變為弱鹼性,飲咗之後可以中和人身體內過多酸性,但呢個杯芯用一段時間就會無效,要再更換新杯芯,為期好似2-3年.

講真太誇張成效可以不理,祗不過飲鹼性水對身體都有啲幫助啩?所以買咗佢飲一段時間睇吓點先.




張貼者： 於
標籤：

4 則留言:

  1. J2 Pig Pig2009年6月26日 上午11:20

    又新玩具...?你屋企有幾大呀可以放咁多野 ?使唔使去租個倉呀
    [版主回覆06/26/2009 15:07:00]唔知呀,手痕囉,又鍾意貪新鮮古靈精怪嘅野,其實飲落去同普通水又無太大分別,得閒去買啲試劑番嚟驗吓啲水係咪多啲鹼先?

    回覆刪除
  2. a10t202009年6月26日 下午6:15

    哈哈....我最鐘意睇到你又有新玩具啦 !!
    [版主回覆06/26/2009 19:45:00]不過.....屋企已爆棚,無地方放野啦,所以控制得到,最好都係唔好再買嘞,可惜話口未完,可能轉頭又唔記得咗嚕..

    回覆刪除
  3. a10t202009年6月28日 清晨6:04

    唔好啦.......淘寶有咁多新奇好玩又刺激既寶貝,唔帶佢返黎好對唔住自己架,哈哈..我打算又買玩具啦........係cheap cheap雪糕機,整好再報告你知!自己預祝自己成功先...呵呵.
    [版主回覆06/28/2009 10:51:00]好!好!記住講俾我聽成唔成功?雖然無得食,欣賞你嘅製成品都好呀,預祝你成功先,加油.

    回覆刪除
  4. CC :P N JUJU :]2011年3月24日 下午2:29

    HI~請問你用左一排覺得點呀?可以比條LINK我嗎?THX
    [版主回覆03/24/2011 15:02:00]哎呀,我祗係用咗一陣,就擺埋一邊,後來杯芯入面砂石好似發霉咁,所以成個杯都掉咗嚕,因為都買咗好耐,已經唔記得同邊個賣家買? 唔好意思.

    回覆刪除

訂閱： 張貼留言 (Atom)