翻開望吓,發覺都唔係咁難整,好一於就試吓整我鍾意食嘅芒果雪糕啦.
呢啲就係整嘅雪糕材料.
首先芒果要去皮起肉打成茸,雞蛋淨要蛋黃加糖打至淡黃色,加入粟粉拌勻,將奶加熱至85度,徐徐倒入蛋黃漿內,要不停攪拌,之後再隔水加熱打至變黏稠就可以攤涼,再將淡忌廉打至軟滑拌入蛋黃糊內,最後將芒果茸加入拌勻,就可以放入雪格內冷藏.
冷藏時間大約需要4個鐘,中途每約1個鐘要攞出嚟攪吓佢,約重複3-4次. 睇吓已經雪硬咗啦.
配埋香蕉,提子食,健康啲,食落味道就同街賣嘅差唔多,但始終都無咁軟滑,唯一好處係自己整真才實料,無落任何添加劑,食得放心. 遲啲要番舊公司攞番部雪糕機再整過先得.
自己整雪糕好好玩, 之前我都整左oreo cookis ice-cream
回覆刪除[版主回覆06/01/2009 20:25:00]係呀,不過如終都係無出面咁滑,唔知係咪打入去空氣唔夠? 所以有雪砂粒.
自己整雪糕好好玩, 之前我都整左oreo cookis ice-cream
回覆刪除我上次整都係有d雪砂粒丫, 唔知用雪糕機係咪會好d呢?
回覆刪除[版主回覆06/02/2009 07:53:00]如果下次用雪糕機整,無雪砂粒,會講俾大家知.
你好勁呀...連雪糕都識自己整!
回覆刪除如果我係長期手腕痛,但想整,可以點樣呀?我意思係我打唔到野.
[版主回覆06/04/2009 08:44:00]其實我同你一樣手腕痛,所以我係用電動打蛋器幫手,已經好耐無用人手嘞. 如果無買一個啦,而家好平大約唔駛$100.
你話電動打蛋器唔洗$100,我搵唔到,你知唔知邊度有得買呀,我係住粉嶺架? 日本城或家品店會唔會有呀?
回覆刪除[版主回覆06/09/2009 11:53:00]我唔記得太清楚啦,因為有時係睇報紙做特價,你可以去實惠家居,直銷中心等試吓搵.
阿姆多謝你!!果然幫到手,我係直銷中心搵到啦,唔洗一舊水..哈哈$99蚊咋,本來係果度仲見到d好野,係kenwood座枱打蛋機原價400,特價$296,我又唔想要陳列品,所以買左$99玩住先,不過呢度kenwood果個無晒貨(旺角),得番屯門有咋,如果你地有姊妹需要就轉告她啦!!
回覆刪除[版主回覆06/11/2009 08:13:00]恭喜你搵到心頭好,希望你以後可以整出好多美食,我自己本身已經有兩部打蛋器,一部係手提,一部係座枱,因為整麵包,打麵團,watt數要勁啲,但當然無你講個價錢咁平啦.