精緻蛋糕甜品班-第八課-生薑芝士蛋糕

今日已經上到第八堂,學嘅係生薑芝士蛋糕.

餅底係用手指餅,不過唧成蛇餅圓形,剩餘嘅就唧成小圓餅作為餅面裝飾.

由於糖薑片要預早煮定,所以Miss祗係口述,並無即場煮,佢就自己帶咗自家製糖薑片嚟做示範,要將糖薑切碎成薑粒,忌廉芝士加糖薑糖水打至軟滑,加入薑汁,酸忌廉,坐溶魚膠液,糖薑粒等,再將蛋白加糖坐熱水打至硬身加入,最後將淡忌廉打至6-7成,加埋入芝士漿內,倒落墊咗手指餅嘅模內,放入雪櫃雪硬,再做餅面裝飾.

呢啲係切碎糖薑粒.

完成後擺上焗乾變脆身嘅薑絲加手指餅裝飾就完成嘞,我仲未食,所以唔知味道如何?