呢個係芒果奶凍變奏版,首先將海綿蛋糕墊底,將攤凍杰身嘅雲尼拉奶凍倒入成為底層,放入雪櫃雪至硬身.
再將芒果部份打成茸,部份切粒,將浸軟坐溶魚膠片加糖加入撈勻,攤凍至杰身,倒入成為第二層,又放入雪櫃雪至硬身.
最後將淡忌廉加糖打起至軟滑後,將芒果茸&溶解魚膠液加入撈勻,倒入模中成為第三層,雪凍後攞出再做裝飾.
當最後一層雪凍後係面掃上透明果膠,同芒果花咁就大功告成嚕...
今日由雪櫃攞出嚟,用火鎗燒熱甩模,睇吓個樣同裡面都幾靚仔架,食落又唔甜,因為我減咗糖,結果奄尖大少都讚話好食,成個食哂,不過佢話呢個係布甸,唔係蛋糕喎,唉..是但啦
好食就算嘞.
沒有留言:
張貼留言