滋味家常菜餚課程_第八課_魚香肉絲&中華冷麵

好快已經上到第八堂,今日Miss教嘅係適合而家天氣食嘅中華冷麵,另一款係魚香肉絲.

兩款都需要切好多絲,魚香肉絲包刮有豬肉絲(最好枚頭廋肉),濕木耳浸軟切絲,沙葛或馬蹄切絲,豬肉絲調味醃一陣.

開油鑊用暖油炒廋肉絲盛起,再爆香蒜茸,蔥粒,薑茸,紅辣椒粒,加入木耳絲,馬蹄絲贊酒,將肉絲回鑊,,最後加入調味料兜勻就可以上碟.

魚香係外省菜其中一種醬汁,但其實無魚係裡面,食落口祗覺酸甜味,又唔覺魚味喎,不過都算幾好味.

中華冷麵嘅材料其實可以自由配搭,豐儉由人,今日材料有青瓜,甘荀,火腿,,煎熟蛋皮,全部切絲,而麵就用咗日本牌子冷麵要預先煮熟,放入冰水中浸一陣再隔去水份.

其實最重要係撈麵個醬汁,用麻醬,花生醬,豉油,醋,麻油,糖再加少許冷滾水開稀.

一切準備妥當,各就各位就可以開餐嚕...放好材料澆上醬汁,灑上芝麻花生碎,蒜茸就攪掂,味道幾好,可以番屋企自製冷麵食嘞.