紫心蕃薯奶黃包

好耐未焗過蕃薯包,所以今日就焗咗呢款包.

仍然繼續用低溫中種法,將已蒸熟壓爛紫心蕃薯茸加埋同主麵團,中種一齊搓勻至有薄膜.

睇吓顏色真係好靚

發酵完後,排氣,分割成8等份,滾圓,靜置約20分鐘,包入預先煮好凝固奶黃餡,放入戚風模內作最後發酵.

當發酵至8-9成滿就可以入爐焗.

甩模後中間煙囪位置有啲黏實,旁邊個包有些裂開.

切開試食,仍然保持一貫鬆軟,奶黃餡減咗糖,唔...好好食.