洋蔥吞那魚&午餐肉黍米包-直接法

今朝起身天陰落住毛毛細雨,呢啲天氣適宜留係屋企,於是又去整包,參考"香港麵包"書改良,焗咗呢兩款包包.

首先將黍米粒打成茸,同其他麵團材料混合,打至有薄膜,就可以作第一次發酵.

經過排氣,分割,滾圓,靜置約20分鐘,就可以包餡,餡料分別有圓形嘅洋蔥吞那魚黍米粒,同埋長方形午餐肉,最後發酵後,做麵包裝飾,就可以入爐嘞.

焗約20分鐘度,就可以出爐,今次麵包好似有啲燶,下次都係早啲用錫紙遮面.包包軟熟好味,Yummy....