特色蛋糕甜品班-第四課-生薑芝士蛋糕&藍莓提子乾鬆餅

今日學呢兩款蛋糕,其實生薑芝士蛋糕上期已學過,因為Miss重複放入課程,佢應承加料補番重複嘅幾樣蛋糕,

起初以為鬆餅好簡單,原來都有竅妙,首先牛油加糖一定要打到好鬆軟,雞蛋要用分蛋法,將蛋白打至彎曲狀,再加入麵糊內撈勻,最好用手撈,跟住分開一半加入新鮮開邊藍莓,另一半加入提子乾.

將麵糊盛入已放紙兜模內.

放入焗爐焗20分鐘左右,就可以出爐.

攤凍甩模就攪掂,食落真係好鬆軟,幾好味.我會試吓整.

另外生薑芝士蛋糕今次改用手指餅蛋糕做底,淡忌廉加薑汁糖水打至軟忌廉狀備用,忌廉芝士加糖打至軟滑,再加生薑汁,糖薑碎,坐熱溶解魚膠液撈勻後,將打起淡忌廉加入,最後加埋打起蛋白,再倒入已墊好手指餅蛋糕模內雪凍就完成.