健康又好味home make漢堡包

我去麥記祗係幫襯魚柳包,因為佢個啲漢堡包塊牛肉乾掙掙,好似食纖維咁.今日我就泡製啱自己口味嘅漢堡包.

首先當然要整包,打好麵團,同平時咁發酵,排氣,分割,滾圓,整形作最後發酵至2.5-3倍,掃水係包面,灑上黑白芝麻.

焗約20分鐘就可以出爐.

跟住將已經醃好嘅牛肉(2/3)加豬肉碎(1/3)由雪櫃攞出嚟,加埋炒香洋蔥粒.

用手搓成小圓球,放落煎pan慢火煎熟.

切開麵包,將生菜,漢堡牛肉,蕃茄&青瓜片依次放入,加埋醬汁就成為呢個多餡至滿瀉嘅漢堡包.

睇吓幾多料,漢堡牛肉好juicy,好食過麥記好多,而且又多蔬菜,非常健康.