焗叉燒

近日見到網友TCCOCO去學整叉燒,同我平時整嘅配方有啲唔同,今日就試吓跟佢嘅食譜,睇吓有乜唔同?

去街市豬肉檔買咗梅頭肉番嚟,洗淨抹乾後,落蒜片,紅蔥頭片,唔記得買芫荽,所以無落.

8

將醬料,香料粉,醬油,糖等混合後,撈勻梅頭肉,我醃咗4個鐘度.

將青蔥排在烤架上,掃一層油,再將醃好梅頭肉放係蔥面排好.

放入焗爐焗,每邊焗10分鐘,然後翻轉另一邊又焗10分鐘,搽上麥芽糖水,每邊再焗多10分鐘,出爐後立即搽多一次麥芽糖水.

攤凍切開,食落味道好味過我用開嘅食譜,可能加咗3種唔同香料粉,下次我都會再用呢個食譜.多謝網友TCCOCO嘅分享.