今日晏晝-久違豉汁排骨蒸飯

原本今日約咗朋友食晏,但天氣惡劣,所以改期,另日再約,自己一個無聊地去行超級市場,見到有細盒包裝排骨,自從奄尖大少驗出膽固醇過高後,已經好少食肉,好想食豉汁排骨,一於買番去自己整,好簡單洗,醃,落啄爛豆豉蒜蓉撈勻,蒸飯,飯熟,將排骨鋪上面,蒸熟後,灑上蔥粒,熄火焗一陣就可以食,前後都係用咗半粒鐘.

少食多滋味,都幾好食架.